11-02-08
|
Në Hotel “Kristal” që ngrihet si vetullkurorë mbi Korçë u mblodhën rotarianët shqipfolës, jo vetëm të këtij qyteti, por dhe nga Kosova, Ulqini, etj. Festa ishte organizuar për të promovuar librin e ish/presidentit ndërkombëtar të rotarianëve Frank J. Devlyn me titull “Frank Talk, Edhe unë në Rotary”.
-Rotary klub i Korçës i cili përbëhet nga 31 anëtarë, intelektualë të fushave të ndryshme, biznesmenë, etj, ka një aktivitet prej shumë vitesh dhe më një kontribut në zhvillimin e kulturës qytetare të nxitjes të nxënësve e studentëve për rezultate shumë të mira në mësime, duke ju dhënë dhe stimuj materialë, gjithashtu dhe në fushën e bamirësisë dhe të ndihmës të njerëzve në nevojë. Aktiviteti i djeshëm ishte një manifestim i rëndësishëm, i bukur dhe promovues i librit të Frank J.Devlyn ku siç thotë përkthyesi i këtij libri Gjergji Çicoi:- Duke lexuar Frank J. Devlyn ndjeva që dhe anëtarë të tjerë dhe jo anëtarë të Rotarit kanë shumë të mësojnë prej këtij libri jo të zakonshëm, librit më të shitur për Rotary-n. Për këtë arsye mendova që ai duhet të flasë edhe shqip. U ula dhe i shkrova autorit. Tani jam i kënaqur që ish presidenti Frank Devlyn më ka dhënë lejen të kryej përkthimin në botimin e librit të tij, i cili jam i sigurt se do ti shërbejë promovimit të rotarit ndërshqipfolësit. Të ardhurat nga shitja e këtij libri Fondacioni i Rotary-t do ti përdorë për realizimin e Projekti “Mbi verbërinë e shmangshme”. Diviza e Rotary shqipfolës do të jetë: “Realizo ëndrrën”- “Shikime të ëmbla fëmijësh kudo ku jeni”.
Në ceremoninë e promovimit të librit foli Presidenti i Roytarit të Korçës Thanas Kote i cili përshëndeti të gjithë pjesëmarrësit dhe në veçanti Prefekten e Korçës si dhe Guvernatorit e distriktit 2481 Neshat Asllani për kontributin e jashtëzakonshëm në bashkimin e klubeve shqipfolëse. Gjithashtu Thanas, përshëndeti klubet e Pejës, Gjakovës, Prishtinës, Prizrenit, Ferizajt, Mitrovicës dhe Ulqinit.
Komente mbi librin bëri gjithashtu pedagogu i Universitetit “Fan S.Noli” Korçë, Gjergji Pendavinji, etj. -Në këtë festë të bukur promovuese foli dhe Prefektia, Elfrida Zefi, e cila midis të tjerave theksoi rolin dhe kontributin e rëndësishëm që jep Rotary i Korçës në emancipimin progresiv të kulturës korçare dhe më gjerë si dhe kontributin e klubeve rotariane shqipfolëse të cilat janë një shembull i qartë e shumë domethënës se si njerëzit bashkohen dhe krijojnë ura miqësie dhe bashkëpunimi për të mirën e njerëzve në të gjithë botën.
Gjithashtu Ajo foli për vlerat e librit “Frank Talk, Edhe unë në Rotary” dhe se si të sjellësh ndryshime në karierën tëndë, në komunitetin tënd dhe në botën tënde, duke u bërë antarë në Rotary.
-Në këtë manifestim përshëndetën dhe përfaqësues të klubeve roitariane shqipfolëse dhe u bë këmbimi i flamurëve.
Festa vazhdoi me këngët dhe vallet e bukura të interpretuara nga Qendra Kulturore e Fëmijve “Mihal Grameno” dhe këngëtarja e mirënjohur Eli Fara. Edhe kjo festë e bukur tregon se qeverisja vendore është e interesuar si dhe herë të tjera për aktivitete të kësaj natyre për ti nxitur bashkëpunuar dhe për të qenë partnerë për grupime të tilla intelektualësh të cilët i japin një frymëmarrje të gjerë jetës shpirtërore dhe kulturore përtej Korçës, përtej Shqipërisë duke treguar një qytetërim evropian dhe një shembull sinjifikativ si gjithnjë e jep Prefektia e qarkut të Koçcës Elfrida Zefi që gjendet gjithmonë midis këtyre manifestimeve, shembull i cili duhet marrë edhe nga drejtues të tjerë të Pushtetit Vendor, jo vetëm të Qarkut të Korçës, por dhe më gjerë.
VEPROR HASANI |
|
